كلمات البوم راشد الماجد 2007

اول شي السلام عليكم......
اليوم جبت كلمات الالبوم راشد الماجد((سلامـات2007))

سلامـات

سلامـات .. حبيبي مو على بعضكـ سلامات ..
سلامات .. أشوف الحزن فعــيونك سلامات
بلقيــاك القلب يشفــى غليله
و نا ويــاك مثل قيس و ليلى
روايــات و ياما ألفــوا عنا روايات

~ ~ ~

اذا راد .. الزمن يجرح و لا يداوي اذا راد ..
و لو زاد .. العمر واحد و لا ينقص و لو زاد
يا طيـُّوب أبي منك دقيقه
تشجــع و قلي بالحقيقه ..
حــرامات .. نقضي العمــر بالحســره و الآهات

~ ~ ~

يا مهمــوم .. تعالي أبكي على صدري يا مهموم ..
و لا تلوم .. تبي مني دمع و عيــونك غيوم
ترى العين دمع ماباقي فيــها
و لا النوم اجا و سلم عليهــا
مســافات .. يا حسـره بينــنا تطــول المسافات ..

ــــــــــــــــــــــــــــــــــــــــــــــــــ ـــــــــــــــــــــــــــــــــــــ
هلي

هلي لاتحرموني منه
هلي لاتبعدوني عنه
مثل ماهو قطعه مني
انا تراني قطعه منه

تحبه؟
اموت انا اذوب انا ادوخ انا والله وميت فيه
تحبه؟
وعقلي وقلبي وروحي ياعلني مابكيه

هلي الله يسامحكم
إذا ماكان عاجبكم
هلي تكفون طالبكم
احس بشوفه الجنه

هلي تكفون خلوني
معاه ولا تلوموني
هلي ماريد انا غيرهـ
ولا يغني احد عنه

حشا ماكنت له جاحد
ولا حب من طرف واحد
شكيت لراشد الماجد
بسبايبكم هلي غناء

ــــــــــــــــــــــــــــــــــــــــــــــــــ ــــــــــــــــــــــــــــــــ
عشان الحب

عشان الحب واللي بيني وبينك
عشان الحب عشان ايامي وسنينك
ابيك تراجع احساسك
وتنسى جروحي وآلآمك
حرام انه بهذا البعد
تضيع ايامي وايامك
***
ادري البعد اثر فيك
وتدري البعد ذابجني
حبيبي الله يخليك
ابي ترجع تريحني
***
انا اترجاك لاتنسى
ليالي الحب وسنيني
وحاول لأجل حبي لك
انك ماتخليني
ــــــــــــــــــــــــــــــــــــــــــــــــــ ــــــــــــــــــــــــــــــــ
قهر

قهر ماكنت انا ادري
تعيش بقلبي كذابه
قهر توي عرفت انك
على الحبلين لعابه

كذب كانت سواليفك
وكل كلمه على كيفك
وانا اللي احسبك روحي
ولقلبي اقرب احبابه

وفيت لقلبك بعمري
ولك ضحيت بأيامي
لقيتك للأسف كذبة
اعيش بها مع احلامي

نعم صدقت كلماتك
ولا ادري بنياتك
وهذا اليوم انا كلي
ندم من راسي لـ اقدامي

خلاص الحين ابي ارحل
وانا فيني الم غدرك
اباخذ قلبي من قلبك
واخلي قلبك بصدرك

بداوي روحي بروحي
وبكتم فيني جروحي
بعيش الدنيا من دونك
وعيشي بالقهر عمرك
ــــــــــــــــــــــــــــــــــــــــــــــــــ ــــــــــــــــــــــــــــــــــ
ساحرني

تطلبوني شي مني وش تبون
بس انتوا مالكم فيني شغل
ايه احبه لا وحبي له جنون
واللي يمنعني ترى ماله امل

قلتوا عنه ناكر العشره ويخون
قلتوا ساحرني وعامل لي عمل
موتوا غيرهـ موتوا حسرات وظنون
ياحلو مره على قلبي عسل

ش اللي حارق دمكم خلي ويمون
مايقول حبيبي دايم عدل
لأجل خاطر ضحكته كل شي يهون
المهم ارضيه ولو غيرهـ زعل
ــــــــــــــــــــــــــــــــــــــــــــــــــ ـــــــــــــــــــــــــــــــــــــــ
صابر

صابر على طول الليالي والايام
انشد وادور راحتي والركادهـ

كم ليلتـ(ن) اسهر بها وغيري ينام
واعاف انا مرقدي والوسادهـ

يزورني هوجاس واعيش الاحلام
واشوف انا حيرتي في زيادهـ

لا مر طيفه في سماء فكري وحام
احس باقي في حياتي سعادهـ

من لامني عساه بالحب ينلام
ويذوب من نار المحبه فؤادهـ

آمر تدلل دوم تلقاني قدام
ياللي الحسن من بعدكم صار سادهـ
ــــــــــــــــــــــــــــــــــــــــــــــــــ ـــــــــــــــــــــــــــــــــــ
صاحي لهم

انا صاحي لهم وعيني عنهم مش غافله
دارس طبعهم وفاهم قصدهم واتجاهله

واغض الطرف عن العذال بالعاني
ماقربتهم إلا الهدف ثاني

وحققته بقربي منهم
انا صاحي لهم

تظنوني خفيف العقل يا هـ الناس
او مجنون واللي يخطر على بالي
لا والله ماتدرون
واحب العب على المضمون

تلوموني ولا تدرون ماهو سري المكنون
وكيف آمن لعذال الهوى
مادمت حي ع الكون
ومن يامن لهم مجنون
ــــــــــــــــــــــــــــــــــــــــــــــــــ ــــــــــــــــــــــــــــــــــــــ
جلمود

يابعيد عن عيوني دريت او مادريت
قلبي اللي تسكنه دوم يسألني عليك

لو سها فكري شويه صدق اني بك سهيت
صرت مافكر بروحي وافكر بس فيك

ماسلى قلبي ولاعنك يالغالي سليت
كيف ابسلى ياحياتي وانا كلي بيديك

يوم ودعتك بسافر وبرجع للكويت
والله اني في غيباك تعذبت وشقيت

قلبك صخر جلمود ماجن عليه
زيد بدلالك وآني بأذيه
ــــــــــــــــــــــــــــــــــــــــــــــــــ ــــــــــــــــــــــــــــــــ
عيوني لك

عيوني لك وروحي لك
وكل اللي تبي كله
انا هـ الوجه ما مله
انا ياغير كل الناس
** ** **
احبك ماتكفيني
ولا ياقلبي وعيني
انا من كثر ماحبك
قليله لأجلك سنيني
** ** **
انا باجيك واحكي لك
وش تسوي تفاصيلك
وش تسوي بغيباتك
سوالف عطر منديلك
** ** **
تغيرني بكلماتك
وتاخذني بنظراتك
بدنيا مالها آخر
من عيونك لضحكاتك
ــــــــــــــــــــــــــــــــــــــــــــــــــ ـــــــــــــــــــــــــــــــــــ
ساعات

ساعات احس ان الزمن قاسي ولايمكن يلين
وساعات احس ان الفرح محال ولا يمكن يحين

هذا اللي شفته بدنيتي وكل مامضى لي من سنين
يامن يعلمني الفرح ويفرح القلب الحزين

اشكي مرارهـ حيرتي بدنيا ماظني بتزين
وإذا بدى بعيني الامل تجد احزاني وتبين

روح زماني وانتهى وترك لي الجرح الدفين
دنيا كفى الله شرها تخلي كل قاسي يلين
ــــــــــــــــــــــــــــــــــــــــــــــــــ ـــــــــــــــــــــــــــــــــــــــ
ضيعوني

ضيعوني عذبوني حسبي الله عليهم حسبي الله
ولعوني ورحلوا وعن شعوري ماسألوا

مايخافون من الله حسبي الله

افهموني وعلقوني حسبي الله عليهم حسبي الله
شافوا بعيوني الوله
حب بادي بـ اوله صعبوا لي المسأله
حسبي الله

ريحوني واتعبوني حسبي الله عليهم حسبي الله
وش بقى فيني وش بقى والزمن مافرقه
ليت ماصار اللقاء حسبي الله
ــــــــــــــــــــــــــــــــــــــــــــــــــ ـــــــــــــــــــــــــــــــــــــ
قلبي يحبك

قلبي يحبك ياغالي
يشتاق لك كل ليله
فراقك اثر بحالي
ياويل قلبي ياويله

##

بعدك سهرت الليالي
وهموم قلبي ثقيله
ماغيرك اللي طرالي
والروح عندك دخيله

##

ليتك تشوف وش جرى لي
الحال صارت نحيله
دمعي على الخد سالي
ومالي على الصبر حيله

##

إن كان قلبك نوى لي
فرقا وغيبه طويله
انا دخيلك ياغالي
ترى حياتي عليله
ــــــــــــــــــــــــــــــــــــــــــــــــــ ــــــــــــــــــــــــــــــــــــــــ
مرتاح

مرتاح وياه فاهمني وفاهم له
انا عجبته وهو حيل عاجبني

الحب قالوا عذاب وقلت لا بالله
شوفوني وشلون احبه ومايعذبني

لو يطلب الشمس قلت المسأله سهله
يامر حبيبي انا مابيه يطلبني

ان كان ماتعب لعينه منهو اتعب له
تعبه راحه ابيه اكثر يتعبني

ماشفت زيه ولا بلقى ابد مثله
ياقف بصفي لو العالم تحاربني

يكفيني انه يجبني بالغلا كله
يكفيني انه نسى ربعه وصاحبني

يطيح قلبي إذا ناظر على غفله
مفتح اضيع وان غمض يذوبني

ياللي تعاتب خليلـ(ن) ذاب في خله
اراهنك لو تشوفه ماتعاتبني
ــــــــــــــــــــــــــــــــــــــــــــــــــ ـــــــــــــــــــــــــــــــــــ
وصية


هلي وإن جارت الدنيا عليا
اوصيكم على روحي وصيه
انا مسافر وخلوا قليبي عندكم
غصب عني ترى لا مو بيديا

اعذروني إذا سالت دمعتي
وذكروني إذا طالت غربتي
يادنيا لعبة الشاطر لعبتي
صرت للناس حمال الاسيه

يادهري لاتحملني البلاوي
انا المجروح مالاقي اليداوي
تراني ع السفر ماكنت ناوي
حكم حكمه القدر غصبن عليا

قبل ماعوفكم ياهلي كأني
اشوف بغربتي حزني وأني
إذا انتم صفيتوا بعيد عني
اموت احسن ولا هذي الاذيه

هلي دمعات عيني بطرف رمشي
وإذا غمضت عيني دموع تمشي
إذا رحتوا من ايديا راح كل شي
تروح الروح لو رحتوا من يديا

بلاكم كيف اتحمل بلاكم
وانا ورده وسط صحراء بلاكم
هواكم دمر قليبي هواكم
شيصير اكثر من اللي صار بيا

يلا يلا ابي الردوود

تقبلوااا تحياااتي

الله يسلمك